Isurketa-baimen eskaera edo berritzea

Isurketa baimena eta berritzea

Izapidetzearen deskribapena

Añarbeko Uren Udal Mankomunitateak saneamenduko goi-sarera isurtzeko baimena, bere baitan biltzen dituen udalerrietan ezarria: Donostia / San Sebastián, Errenteria, Hernani, Lasarte-Oria, Pasaia, Oiartzun, Lezo, Urnieta, Usurbil eta Astigarraga.

Isurketa-baimena eskatzaile bakoitzak lortu behar du, bere hondakin-urak saneamendu-sare publikora isuri ahal izateko.

Ordaindu beharrekoa

Erabiltzaile guztiek ordaindu beharko diote Mankomunitateari, Aguas del Añarbe-Añarbeko Urak, SAren bitartez, saneamendu-sarera isurtzeko Baimena izapidetzeagatiko tasa.

Isurketa-Baimenaren izapidetzeagatiko tasa dagokion ordenantzan 1 eranskinean dago arautua.

Prozeduraren pausoak

Hasierako baimenak

1. Eskaeraren erregistroa eta dokumentazio guztia egiaztatu.
2. Añarbeko Kalitate Kontroleko teknikariak enpresaren ordezkariekin jarriko dira harremanetan eta, beharrezkoa bada, instalazioak bisitatuko dira.
3. Kalitate Kontrol arloaren proposamen-txostena, Baimena emateari edo ez emateari buruz.
4. Baimena ukatu ezkero, jakinarazpena igorriko zaio eskatzaileari hartu behar dituen neurriak adierazteko.
5. Baimena eman ezkero, telefonoz edo emailez jakinaraziko zaio erabiltzaileari eta faktura igorriko zaio dagokion tasa ordaindu dezan.
6. Tasa ordaindu ondoren, Isurketa-baimena Correos edo posta elektroniko bidez igorriko zaio.

Baimen berritzeak

1. Eskaeraren eta dokumentazioaren erregistroa.
2. Añarbeko Kalitate Kontroleko teknikariak enpresaren ordezkariekin jarriko dira harremanetan eta, beharrezkoa bada, instalazioak bisitatuko dira.
3. Berritzea emateari edo ez emateari buruz Kalitate Kontrol arloaren proposamen-txostena.
4. Berritzea ukatu ezkero, jakinarazpena igorriko zaio eskatzaileari hartu behar dituen neurriak adierazteko.
5. Berritzea eman ezkero, telefonoz edo emailez jakinaraziko zaio erabiltzaileari eta faktura igorriko zaio dagokion tasa ordaindu dezan.

Tasa ordaindu ondoren, Isurketa-baimena Correos edo posta elektroniko bidez igorriko zaio.

Izapidetzearen arduraduna

Kalitate Kontrol arloa (Hondakin-uren Zerbitzua).

Araudia

• Saneamendu eta Isurketen Erregelamendua (2006ko maiatzaren 11n behin betiko onetsia eta 2006ko maiatzaren 29an, 100 zenbakidun GAOn argitaratua).
• Lotura eta isurketa baimenak izapidetzeagatiko tasak arautzen dituen ordenantza fiskala.