Aguas del Añarbe - Añarbeko Urak, S.A.

Kontsumo uren zainketa

Añarberen eginkizuna da, uraren kalitatea zorrozki kontrolatzea bere jatorrian eta, baita ere, kontsumitzaileari banatzen zaion uraren ezaugarri bakteriologikoak, organoleptikoak eta fisiko-kimikoak kontrolatzea.

Laborategiak ondorengo kontrolak egiten ditu:

  • Uraren kalitatearen kontrol eta jarraipena jatorrian: EUTEn sartzen den uraren kontrola egiten da egunero, hala nola urtegian hartzen den uraren kalitatea aldizkako zaintza azterlan limnologikoen bidez. Horien bidez urtegiaren potentzial ekologikoaren jarraipena egin daiteke Europar Batasunaren 2000/60 Zuzentarauren ildoak jarraituz.
  • Tratamendu-prozesuen kontrol, jarraipen eta ikuskapena: potabilizazio-prozesuaren fase ezberdinak ikuskatzen dira, indarrean dagoen legeri osasun-teknikoa betetzen dela bermatzeko.
  • Kontsumorako uraren kalitatearen kontrol eta jarraipena: banaketa-sareko eta iturri publikoetako uraren kalitatea ikuskatzen da, araudiak finkatzen duen zaintza-maila %30ean gainditzen delarik.

  • Kalitate kontrola

    Kalitate kontrola

  • Laginketa urtegian

    Laginketa urtegian

  • Edateko uren laborategia

    Edateko uren laborategia

  • Lagin hartzea

    Lagin hartzea

  • Edateko uren laborategia

    Edateko uren laborategia

Kontrol eta zaintza unitatea

1994. urteaz geroztik Añarbeko Urak, Eusko Jaurlaritzaren Osasun Sailaren koordinazioarekin, Mankomunitatearen esparruko hornidura-sistema guztien Kontrol eta Zaintza Unitatea da.

Laborategiak urtean milaka lagin aztertzen ditu, eta emaitzak Udaletara eta Eusko Jaurlaritzaren Osasun Sailera igortzen ditu, aldi berean bere webgunean argitaratzen ditu.

Egiaztatze-sistema zorrotz hori osatzen da, neurketa automatikoa duten zenbait estazioetan dauden teleaginte eta telekontrol sistematik, etengabe, jasotzen den informazioarekin. Horri esker, une oro, ezagutu daiteke banaketa-sisteman dagoen uraren Ph, uhertasun eta kloro balioak.

arrow download

Ezagutu ur edangarriaren ezaugarriak

PDF jaitsi

Ba al zenekien… laborategiak urtean 10.000 laginetik gora aztertzen dituela, eta emaitzak Eusko Jaurlaritzaren Osasun Sailaren webgunean argitaratzen direla?

 

URAREN ZIKLO OSOA

Urak egiten duen ibilbidea, Añarbeko urtegian jasotzen denetik, eta behar den bezala araztu ondoren, itsasora isurtzen den arte, Monpas inguruan urpeko isurbide baten bidez eta 50 metroko sakoneran.

Gehiago jakiteko

 
Top